எதிரியை வெல்வது
யாருக்கும் எளிது
அவன் எண்ணத்தை வெல்வது
அறிஞனுக்கும் அரிது!
அகிம்சை சிறப்பான
ஆயுதம் தான்
அது உன் உயிர் போவதை
பார்த்துக் கொண்டிருக்காதவரை!
களம் காணும் முன்னே
உறவாடிக் கொள்
களம் கண்ட பின்
உறவானாலும் கொல்!
வீரன் பெரும்படை கண்டும்
தொடை நடுங்குவதில்லை
கோழை வென்ற போதிலும்
வீரத்தை வெல்வதில்லை!
தோல்விக்கு பிந்தைய
சமாதானத்தை விட
போருக்கு முந்தைய
சமாதானம் சாலச் சிறந்தது!